熱心跑友「何胖跑步會」帶同何偉豪的號碼布與何偉豪照片完成半馬賽事。Kiki社交媒體影片

  昨日(18日)是渣打馬拉松，於宏福苑大火殉職的消防隊員何偉豪，其未婚妻Kiki 得到熱心跑友「何胖跑步會」幫助，帶同何偉豪的號碼布與何偉豪照片完成半馬賽事。

KiKi亦接過跑友送上消防員公仔。Kiki社交媒體圖片

  Kiki在社交網寫道：「喂喂…肥佬，第一次就跑半馬，好叻仔，我哋又一齊完成咗啦～」跑友衝過終點一刻，高舉何偉豪的號碼布，KiKi亦接過跑友送上消防員公仔，並感慨流淚。其後，跑友們穿上代表何偉豪的隊員編號「18469」在維園合照，向何偉豪致意。

  開跑前大會廣播悼詞：「喺我哋開跑之前，進行一個悼念儀式，上年11月底大埔宏福苑發生大火，大會深感哀痛，喺呢次救援行動當中，消防隊目何偉豪不幸殉職，今日，佢嘅同袍會帶住佢嘅號碼布參加賽事，為哀悼大埔宏福苑火災，為留下來嘅人士，喺賽事開始前，請大家一齊默哀！」全場跑手均拍掌向何偉豪致敬，同時低頭默哀。

  負責致悼詞的人員也在帖文留言：「我喺起點去讀呢段默哀稿前，練咗好多次提自己要忍住，但當聯想起同袍會拎住佢號碼布一齊跑嘅畫面，真係會忍唔住會好想喊…我喺終點見到你哋返嚟，希望你哋聽到 我哋係講『啱啱有一班跑手、好兄弟，帶住佢嘅摰友完成佢未完成嘅半馬拉松，為留下來的人，完成佢嘅心願』 Keep moving forward! 加油！」網民亦紛紛慰問及鼓勵Kiki，希望她能重新振作，展開人生新一頁。

頂圖：跑友們穿上代表何偉豪的隊員編號「18469」在維園合照。Kiki社交媒體圖片