有僱主早前在社交平台Threads發文，指發現家中印傭是富家女的經歷，引來網民熱議，紛紛留言表示「佢有錢過你仲要嚟同做你工人，大癲」、「原來姐姐係嚟working holiday」、「嚟做工人體驗人生，果然係有錢女嘅玩意」。另有不少網民分享類似經歷。

    該僱主在帖文表示，她聘請的印傭已在家中工作數年，日前突然要求提早完約、回印尼結婚，印傭之前曾分享過身穿機師服的男友照片。她指出，「我姐姐係天真愛笑嘅2X歲女仔，但做嘢似大小姐，我哋好擔心佢網戀俾人呃」。據悉，男方的年紀較大，每個月已經給予3000元，若女方返回印尼生仔，會加碼至6000元。

    僱主直言大感震驚，「我聽完之後即刻叫佢立刻原地結婚啦，好男人嚟。原來佢只是來體驗人生，唔好話樓，人哋已經有農場、咖啡豆園同可可豆田等」。

    帖文一出，引來網民熱議。有網民指出，「好多姐姐係大學生嚟，尤其係菲律賓，佢哋好有目標，一啲都唔蠢，仲好醒，識計定晒數，喺香港人工係得咁多，所以有部分會做秘撈，默默儲錢，一係就寄錢返家，畀屋企人起屋，一係儲錢移民，一係就揾到筍盤外國佬，嫁過去做少奶奶。有啲仲會繼續進修，甚至返家國創業，真係好堅?」。

    不少網民分享同類經歷。有網民說：「之前個姐姐有屋有地有車乜都有，而佢仲喺香港返工嘅原因係佢覺得呢個係神畀佢嘅任務，要佢照顧有需要嘅人！佢真係成個天使咁好人」。

    「我以前有個印尼姐姐都係，聽講佢係軍官個女，因為早戀，爸爸唔開心，迫佢出嚟體驗人生」。

    「有時真係唔好睇少啲姐姐。我曾經請過一個姐姐，第一日到步係拎住部iPad mini，當年剛出一年左右之後英文勁好，lelts有7分以上。盡心盡力照顧我哋屋企同教仔4年。原來佢一早已經當香港係跳板，會去加拿大做嘢我哋最後都好唔捨得佢，但都放佢走。6年後嘅今日，佢係加拿大置業，有一份餐廳經理嘅工作。我都好鄧佢開心。」

    「25年前，由我岩岩開始識講嘢開始湊左我7年既菲傭，本身大學畢業做老師，但因為人工低所以黎香港做家傭，做嘢快手又醒目，唔多識講廣東話、唔識中文字，但有辦法幫我溫溫中文讀默，做左7年申請去左加拿大做嘢，之後同好姊妹一齊開左間清潔公司做老闆。」

    有僱主在社交平台發文，分享發現家中印傭是富家女的經歷，引來網民分享類似經歷。Threads截圖