網上流傳一段影片，日期是昨日（9日）下午3時許，樓主標題：「呢幾條打靶仔，無啦啦嚇我屋企對面老人家，仲要偷咗我地門口架車仔。認住呢幾條打靶仔，有冇人認領返。（已經報咗警） 」片中相信是天水圍一個公屋單位的走廊，樓主買餸後將購物車放於大門外，突然聽到踢鐵閘和吵鬧響聲，但開門查看發覺無人在外。

    其後翻看安裝在大門外的閉路電視錄影片段，發現3名男童在門外鬼鬼祟祟，懷疑其中一人在鏡頭外已偷走購物車，而最頑劣的是大力拍打和踢對面單位的鐵閘，馬上逃離走廊，據說該單位有長者居住。

    網民紛紛叫樓主報警，但其後樓主再留言說：「最後響後樓梯搵到，咩事。好好玩？嚇親我屋企D貓。警察話最後喺後樓梯發現所以唔算盜竊。」相信已尋回購物車。但網民仍不齒頑童所作所為：「而家啲細路都幾無聊，報警啦，等佢哋老竇老母知道佢哋啲仔有問題啦，有時唔係父母唔識教，係父母都唔知自己個仔咁XX。」「一個都唔可以放過，家長唔教等社會嚟教！」「呢啲XX真係唔可以縱容佢，如果唔係好似三五成群咁，越搞越大鑊，最後出命案收唔到貨（科）。」（記者 區天海）