葵涌發生一宗懷疑夾公仔機盜竊案，一名相信是店主的男子，在擒賊時竟以摺櫈擊打對方執行私刑；網民嘩然：「嘩！十大武器之首。」

    樓主在本月中上載影片：「殺波」，留言說：「原來係羽毛球教練嚟，唔知係咪用開左手揸拍？」拍攝時間及地點不明，有網民認得是葵涌廣場。片中一名相信為店主的男子，追逐一名手持公仔的光頭漢，懷疑他盜竊公仔，喝道：「叫你唔好郁呀！」追上後壓倒對方，揮舞其摺凳，擊中光頭漢身體，兩人一度糾纏，光頭漢掙脫趁機向著商場走廊逃走，過程中光頭漢被人用摺凳擊中頭顱最少兩次。

    網民留言說：「偷夾公仔機啲貨當場斷正？」、「咩公仔咁吸引？」、「光頭佬有啲料，鐵頭功練得幾好」、「公平啲講句，你如果店舖比人偷嘢，你可以報警，你有閉路，有閉路電視點都拉到，但你無得濫用私營（刑），佢真係唔驚撲死人，嗰啲阿伯阿叔我都唔敢架撐打佢頭，有幾單黑社會打死人都係搵啲硬物撲人哋個頭死咗。」、「其實捉住佢報警等警察啦，鐵頭功又係偷公仔抵死……但條友出十大武器之首比人告傷人。」、「隨時攞命！」（記者 區天海）