荃灣發生假扮買手機盜竊案，昨午（1日）一名男子到荃豐中心一間店舖，向東主指要買一部 iPhone 17 Pro Max手機。店東將手機交到男子手上，誤以為對方準備付款，該名男子突然拔足狂奔，將手機搶走。

    警方表示，昨日（1日）下午5時23分接獲一名男子報案，表示在店內的櫥窗取出電話，供一名男顧客檢查，但對方未有付款即跑走，將案件列作「盜竊」案跟進。

    店東女兒事後將閉路電視片段上載社交平台，呼籲網民協助「緝兇」：「已報警請廣傳出去！！揾翻個賊仔出黎！！今日1/6/2026 5:18pm，我老豆間店比人偷野，係荃豐中心，影片中帶口罩、藍色T-shirt就係個賊仔，準備話比錢嘅時候即刻跑走左，偷左部 IPhone 17 Pro Max 。」

    網民不忿盜賊所為，留言說：「佢咁唔係偷，直頭係搶」、「凡事戴口罩光顧店舖要特別留意，今日睇到另外一個又係戴口罩偷嘢」、「你爸爸下次要小心啲，唔好再比人偷，一喺叫客比左錢再俾部手機個客，咁會好啲。」、「你老竇間舖歷史悠久，唔少人幫襯過，希望快啲拉到條友。」（記者 區天海）