昨日（1日）網上瘋傳一段短片，發帖者指片中是港島區一間中學，但未有交代事發時間和日期，現場是籃球場，一名男生疑被教練責罵，身旁有約20名相信是籃球隊隊員，教練身旁則另有兩名疑似是教職員或助教的成年人。

    教練先將男生手上的外套丟在地上，馬上捉起男生左手，強迫拍打臉部數次，期間不停謾罵，身旁一眾人員竟視若無睹。期間，教練仍捉着學生的手臂，使勁大力拍打男生臉頰，看似是學生自摑，教練放手後，男生竟主動自摑一巴掌，接着聽取教訓。其他成員僅圍着觀看，似乎見怪不怪，無人上前勸止，兩名疑似教職員的男子也未曾干預，袖手旁觀。短片上載社交平台後引發網民嘩然，暫時仍未知涉事學校是否知情。

    網民怒罵教練：「已經算是毆打！！一定要報警！」「阿sir你好醒喎，借學生隻手，咁你咪無份打？」「宜家有強制報寸虐兒，後面兩個白衫大人都走唔甩。」、「好多年前佢教xx女校已經會用暴力對待學生。家長寫投訴信俾學校都係不了了之，學校知道都唔做嘢，一樣係共犯。」、「估唔到俾個仔去打波、變左佢俾人打？」「嚴格是可以，但不代表可以侮辱人，球場上也要學懂尊重。」「聽講呢間學校嘅管理層，一直都知道呢啲事㗎喎，不如都叫學校回應吓？應該唔止一位老師欺凌學生？！」「教練就可以打人？侮辱球員？」「我學校xxx一向風評差，曾經聽籃球隊講話遲到會罰錢。咁佢做咩打人就唔知，反正上報得。」（記者 區天海）