網上瘋傳一段影片，一班年約14、15歲騎單車少年，在荃灣西一公園向長者扔石塊，並專擇年老男士，已有長者多次遇襲，但無奈無法追捕，亦沒報警求助。有街坊曾目睹事件，護送受襲擊長者，得悉該幫單車仔童黨橫行，網民怒轟：淨係蝦老人家！

    樓主上載影片：「荃灣街童亂向途人扔垃圾。」有好心街坊留言：「我有晚12點跑步，夜晚見到佢哋十幾個，有男有女扔個老人家，我出聲x佢哋。之後個老人家一路行。班單車仔仲係尾跟住佢哋，之後我同個老人家返過去碼頭，個老人講，呢班人已經用石仔扔過佢好多次，我問佢，做咩唔報警，佢話報警都無用，一來到，佢哋就走曬。佢又追唔到佢哋。我同佢行緊去碼頭時，有個𡃁仔，一邊扮講sorry 一邊接近個老人家，之後又用枝水扔過來。好彩唔中。」

    網民看過影片怒火中燒，紛紛留言說要將童黨繩之於法：「用野掉人已經唔啱，普通襲擊喎。」、「警方做嘢啦！」、「有爺生，冇乸教！」、「世風日下、道德淪亡。」、「捉啲仆街仔連車掉落海。」、「呢班撲街仔經常在這搞事，囂張挑釁過路途人，樓主爆光他們真是積了陰德，救緊佢哋。」、「一定蝦咗市民好耐啦。」、「淨係蝦D阿叔阿伯。」（記者 區天海）