網上流傳影片，有市民在沙田新城市廣場一間化妝品店購物，稱聲被騙約4萬元。女事主稱早前行經該店門外，被店員搭訕，訛稱她衣服「很靚」，「可否拍個照？」誘騙入店再游說購物和療程，「一步一步騙我入去！」女事主稱使用該店的護膚品後：「搽到塊面腫晒！」日前返到店舖投訴更報警求助，有網民行經仗義拍下影片，引起網上極大回響，至現時影片仍不停被轉發和點贊。

    網民留言：「樓主好好人，主動去關心發生咩事，至少嗰位姨姨知道有人聽佢講，幫佢傳開件事。」「點解呢個世界可以變到點俾人呃都冇人幫？」「呢啲呃人嘅公司開到全香港咁多分店，專搵師奶阿婆呃佢錢Sell佢幾萬至10幾萬護膚品。」更有網民分享相同經歷：「今日我係海港城都賴左嘢，佢俾左包試用裝我試，跟住入去俾佢昆左買左支搓皮膏接近1000，跟住送左一個美容療程俾我。第二日我就去參加呢個療程，昆我1萬蚊買10個美容療程，我做完facial借尿遁走左去。見d facial平時做都要大概400左右，買樽嘢，應該都值幾百蚊，粗略估計被騙大約500-700港幣，睇度呢單新聞，當買左一個教訓。」（記者 區天海）