網民昨日（14日）在社交平台帖文：「夜晚回家，路經九龍城道橋底，見到紙皮婆婆個檔口被人拆到咁。行近問返婆婆同落口供警察，原來係有幾個南亞佬想收陀地，收唔到就發爛渣恐嚇佢。婆婆一路講一路喊，我都只能夠遞吓紙巾，安慰話最緊要人無事。」樓主問網民如何可以幫助拾荒老婦：「集思廣益，如何做個好鄰舍，幫到拾荒婆婆？

1. 叫婆婆瞓喺CCTV影到嘅地方。

2. 做個多事街坊，見到婆婆俾人yo就過去yo埋一份（今次已做，所以寫到呢篇嘢）。

3. 揾友好商戶、街坊俾個locker婆婆放個人財物

4. （未諗到） 」

    網民回應：「無受傷，係受驚同好委屈。」、「嗎哪好似有定期派飯、探佢，之前已經有個智障仔成日走過去踢佢d紙皮，估唔到搞到咁。」、「佢無咩事吖嘛。」、「通常啲南亞幾點出現？」

    網民提及的事件發生在前日（13日）晚上，婆婆被南亞裔男子恫嚇「收陀地」，並且搗亂紙皮。婆婆姓鄧（73歲），據悉她本與夫相依為命，住在土瓜灣，獨生女因故遷出。夫婦在土瓜灣街市附近拾荒，每日僅數十元收入。在約6年前丈夫離世，遺下婆婆獨自生活，因擔心辛苦拾回來的紙皮被盜，很多時候索性坐在街上看守，睡在天橋底，待洗漱時才回家。婆婆表示去年曾數次被人搶劫，曾報警亦得到區議員協助，警方拘捕一名涉案人士。

    警方表示，6月13日晚上8時01分，接獲一名姓鄧（73歲）女子報案，指在土瓜灣街市對開被人騷擾。警員到場後未有發現涉案人士，暫列作「投訴滋擾」跟進，現時追查涉案人士。（記者 區天海）